Qytaıdaǵy jańa energetıkalyq kólikterdiń úlesi 55%-dan asty

ASTANA.KAZINFORM - Qytaıdyń jeńil kólik qaýymdastyǵynyń (CPCA) málimetinshe, 2025 jyldyń tamyzynda Qytaıda jeńil avtokólikterdiń bólshek saýdasy 2 mıllıonǵa jýyqtady, dep habarlaıdy Kazinform tilshisi.

2025 jyldyń basynan beri jeńil avtokólikterdiń jıyntyq bólshek saýdasy 14 mıllıon birlikten asty, bul ótken jyldyń sáıkes kezeńimen salystyrǵanda 9,5%-ǵa artyq.

Tamyz aıynda jańa qýattaǵy jolaýshylar kólikteriniń bólshek saýdasy (NEV) 1,1 mıllıon danaǵa jetti, bul ótken aımen salystyrǵanda 11,6%-ǵa kóp. Qańtar-tamyz aralyǵyndaǵy NEV jıyntyq bólshek saýdasy 7,556 mıllıon birlikti qurady, bul ótken jyldyń sáıkes kezeńimen salystyrǵanda 25,8%-ǵa kóp.

Jańa energetıkalyq kólikter 2025 jyldyń tamyzynda Qytaıdyń jeńil avtomobılder bólshek saýda naryǵynyń 55,2% qurady.

Tamyz aıynda jeńil avtokólikter eksporty 500 myńǵa jýyqtap, bir jylmen salystyrǵanda 20,2%-ǵa ósti. Qańtar-tamyz aılarynda eksport kólemi 3,471 mıllıondy qurady, bul ótken jyldyń osy kezeńimen salystyrǵanda 11,3%-ǵa kóp.

Buǵan deıin álemde elektromobılderdiń satylymy artyp kele jatqany týraly habarladyq.