Qytaıdaǵy velotrekten Qazaqstan quramasy 2 kúmis, 1 qola aldy

ASTANA. KAZINFORM - Qytaıda ótken velotrekten «Hong Kong International Track CUP» týrnırinde qazaqstandyq veloshabandozdar 2 kúmis, 1 qola medal aldy.

Halyqaralyq týrnırde 68 elden kelgen 300-den astam sportshy júldelerdi sarapqa saldy. Medıson dıstsıplınasynda elimizdiń ulttyq quramasy máre syzyǵyn ekinshi bolyp qıdy. Bul synda el namysyn Ramıs Dinmuhametov pen Ilıa Karabýtov qorǵady.

Atalǵan jarysta birinshi oryndy Japonııa alsa, úzdik úshtikti «Bridgestone Cycling» komandasy túıindedi.

Al toptan tys qalý jarysynda Ilıa Karabýtov kúmiske, Ramıs Dinmuhametov qolaǵa ıe boldy.

Eske salsaq, budan buryn trektegi velosporttan Qazaqstan quramasynyń sportshysy Kırıll Kýrdıdı Malaızııada ótken Azııa chempıonatynda qola júldege qol jetkizdi.