Qytaıdaǵy «Úsh saı» bógeti Jerdiń aınalý jyldamdyǵyna áser etedi

ASTANA. KAZINFORM — Qytaıdyń Hýbeı provıntsııasyndaǵy «Úsh saı» bógeti Jerdiń aınalýyna jáne táýlik uzaqtyǵyna áser etti. Bul týraly NASA ókili doktor Bendjamın Fong Chao LAD Bible basylymyna bergen suhbatynda aıtty, dep jazady snob.ru. 

2012 jyly salynǵan ıAntszy ózenindegi bóget — uzyndyǵy 2 335 metr jáne bıiktigi 185 metr bolatyn áserli ınjenerlik joba.

Bógettiń sý qoımasynda teńiz deńgeıinen 175 metr bıiktikte shamamen 40 tekshe shaqyrym sý (shamamen 10 trıllıon gallonǵa teń) bar. «Úsh saı» bógeti — álemdegi eń qýatty sý elektr stantsııasy.

NASA ǵalymdary planetanyń betindegi massanyń osylaısha qaıta bólinýi ólshenetin geofızıkalyq saldarǵa ákelgenin atap ótti: Jerdegi kún 0,06 mıkrosekýndqa ulǵaıdy, al planetanyń aınalý osi shamamen eki santımetrge yǵysty. Bul ózgeristerdiń kórinetin eleýsizdigine qaramastan, qazirgi zamanǵy ǵylymı jabdyqtar olardy jazyp alýǵa qabiletti.

Eske sala keteıik, Qytaı AES qýaty jaǵynan álemde birinshi orynda tur.