Qytaıdaǵy Ýhan týrnıri: Rybakınanyń reıtıngidegi basty qarsylasy jeńilip qaldy
ASTANA. KAZINFORM — Álemniń 2-raketkasy, Belarýs ókili Arına Sobolenko Ýhan (Qytaı) WTA 1000 týrnıriniń úshinshi aınalymyna shyǵa almady.
Jarystyń 1-raketkasy bolyp tirkelip, ekinshi aınalymnan bastaǵan A.Sobolenko alǵashqy matchynda-aq kútpegen jerden ese jiberdi.
Álemniń 31-raketkasy, amerıkalyq Enn Lı kambek jasap, 3:6, 6:4, 7:6 (7:5) esebimen jeńip ketti.
Bul básekeniń álemniń 1-raketkasy, qazaqstandyq Elena Rybakınaǵa qatysy bar edi. Jaraqatyna baılanysty Ýhan dodasyna qosyla almaǵan qazaqstandyq tennısshi 499 reıtıngilik upaıyn joǵaltty.
Eger A.Sobolenko sátti óner kórsetken jaǵdaıda upaı aıyrmashylyǵyn edáýir qysqartar edi. Qazirgi kezde WTA Live reıtıngisinde E.Rybakınanyń enshisinde 9 197 upaı bar. Al belarýssııalyq tennısshi endi kórsetkishin 7 560 upaıdan asyra almaıdy.
Sonymen qatar reıtıngide úshinshi jáne besinshi oryndaǵy reseılik Mırra Andreeva men amerıkalyq Korı Gaýff Ýhan jarysyna qatysýdan bas tartqan edi.
Al álemniń 4-raketkasy, amerıkalyq Djessıka Pegýla da búgin reıtıngide 34-oryndaǵy latvııalyq Elena Ostapenkoǵa 6:2, 6:7 (7:9), 3:6 esebimen jol berdi.
Endi E.Rybakına úshin alda mańyzdy jarys bar. Ol 19-25 qazan aralyǵynda ótetin Nınbo (Qytaı) WTA 500 týrnırinde 2025 jylǵy chempıondyq ataǵy men 500 reıtıngilik upaıyn qorǵaýy tıis.
Eske sala keteıik, budan buryn ıÝlııa Pýtıntsevanyń Qytaıdaǵy týrnırde úshinshi jeńisine qol jetkizgenin jazǵan edik.
Shanhaı masters týrnırinde Aleksandr Býblık álemniń 2-raketkasyna jol berdi.
Aleksandr Shevchenko Qytaıdaǵy týrnırde jarystyń favorıtin jeńdi.
Anna Danılına Qytaıdaǵy jarysta shırek fınalǵa joldama aldy.
