Hanchjoýdaǵy týrnırde qazaqstandyq qos karate-do sheberi júlde aldy

ASTANA. KAZINFORM - Qytaıdyń Hanchjoý qalasynda karate-dodan ótip jatqan Premer-lıga básekesinde qazaqstandyq eki sportshy júldege qol jetkizdi.

Aldymen Móldir Jańbyrbaı (50 keli) aqtyq synda Aljır sportshysy Sılııa Ýıkenmen 8:8 esebimen teń túsip, qosymsha ýaqytta qarsylasyna ese jiberdi.

Aıta ketsek, byltyr Túrkııanyń Antalıa qalasynda WKF karateden Karate1 Premier League - Antalya týrnırinde 50 keli salmaqta Móldir Jańbyrbaı altyn alǵan edi. 

Ol bıyl qańtarda ótken jyldyń alǵashqy premer-lıga týrnırinde qola medal jeńip aldy. 

Al, qazaqstandyq taǵy bir karateshi Ásel Qanaı (61 keli) Qytaıdyń Hanchjoý qalasyndaǵy básekede qola júldeni enshiledi. 

Eske sala keteıik, buǵan deıin ıýnıorlar men jastar arasyndaǵy karateden Qazaqstan chempıonaty rekordtyq kórsetkishpen aıaqtalǵanyn jazǵan edik.