Qytaıdaǵy týrnırde Batyrhan Tóleýǵalı qola júldeger atandy

ASTANA. KAZINFORM - Qytaıdyń Haıan qalasynda ótip jatqan «President’s Cup - Asian Region» halyqaralyq týrnıri taekvondoshy Batyrhan Tóleýǵalı qola júldeger atandy.

Jarystyń alǵashqy kúninde Batyrhan Tóleýǵalı (80 keli) ekinshi aınalymda qosylyp, jartylaı fınalǵa deıin eki kezdesý ótizdi. Alǵashqy kezdesýinde Kım Chjebomnan (Ońtústik Koreıa), shırek fınalda Van Go Tsınnen (Qytaı) basym tústi. 

Jartylaı fınalda Ońtústik Koreıa ókili Pak Chýnsanǵa ese jiberip, qola júldeni qanaǵat tutty. 

Aıta ketsek, Batyrhan Tóleýǵalı qola júldemen birge 2026 jyly ótetin Azııa chempıonatyna Qazaqstanǵa qosymsha joldama syılady.

Halyqaralyq týrnır 23-24 sáýir kúnderi ótedi. Álemdik básekege Azııa elderimen qatar Aýstralııa jáne Frantsııa sportshylary keledi.

Esbol Sultanov shákirtteri bul jarysqa Ózbekstan astanasy Tashkent qalasynda daıyndaldy.

Olar atalǵan týrnırden ózge «Spanish Open G1» jáne «Austrian Open» jarystaryna ázirligin pysyqtady.