Qytaıdaǵy týrnırde Azıza Qarajanova qurama qorjynyn qolamen tolyqtyrdy

ASTANA. KAZINFORM - Qytaıdyń Taıan qalasynda ótip jatqan «President’s Cup - Asian Region» halyqaralyq týrnıri taekvondoshy Azıza Qarajanova (53 keli) qola júldeger atandy.

Azıza jarys barysynda barlyǵy tórt kezdesý ótkizip, onyń úsheýin jeńispen aıaqtady. Alǵashqy aınalymda qytaılyq Tsın Gony (Qytaı) jeńse. odan keıin taıpeılik Po ıA Sýdan basyp tústy.

Al shırek fınalda qytaılyq Tszo Tszıýıdi tize búktirdi. Jartylaı fınalda Mobına Nematzadege (Iran) ese jiberip, qola júldeni qanaǵat tutty. 

Azıza Qazaqstanǵa 2026 jyly ótetin Azııa chempıonatyna qosymsha joldamany syıǵa tartty.

Aıta ketsek, budan buryn el quramasynan Batyrhan Tóleýǵalı (80 keli) qola júlde aldy.

Halyqaralyq týrnır 23-24 sáýir kúnderi ótedi. Álemdik básekege Azııa elderimen qatar Aýstralııa jáne Frantsııa sportshylary keledi.

Esbol Sultanov shákirtteri bul jarysqa Ózbekstan astanasy Tashkent qalasynda daıyndaldy.