Qytaıdaǵy týrnır: Rybakınanyń aralas synda da mereıi ústem boldy

ASTANA. KAZINFORM – Qazaqstannyń birinshi, álemniń 5-raketkasy Elena Rybakına Qytaıdyń Shenchjen qalasynda World Tennis Continental Cup kórme týrnırin jeńispen túıindedi. 

Qazaqstandyq tennısshi reseılik Andreı Rýblevpen birge aralas synda monakolyq Valenten Vashero – Polsha ókili Iga Shventekpen oınady. Eki set te 6:4 esebimen aıaqtalyp, jeńis qazaqstandyq-reseılik juptyń enshisine jazyldy. 

Bul – Rybakınanyń bıylǵy jyldaǵy sońǵy matchy. Endi ol Aýstralııada 4-11 qańtar aralyǵynda ótetin Brısben WTA 500 týrnırinde baq synaıdy. 

Eske sala keteıik, budan buryn Asyljan Arystanbekovanyń Túrkııadaǵy jarystyń jartylaı fınalynda oınaıtynyn jazǵan edik. Sondaı-aq Elena Rybakına Qytaıdaǵy týrnırde Olımpıada chempıonyn qapy qaldyrdy.