Qytaıdaǵy taıfýn: apat aımaǵynda 628 myń adam bolǵan

ASTANA. KAZINFORM — Qytaı ortalyq telearnasy Qytaı shyǵysyndaǵy Fýtszıan provıntsııasynyń jaǵalaýyna bir kún buryn jetip, keıin tropıkalyq daýylǵa aınalǵan «Gaemı» taıfýny eldiń ishki jaǵyna qaraı jyljyp kele jatqanyn, apat aımaǵynda 628 myńnan astam adam qalyp qoıǵanyn habarlady, dep jazady TASS.

«Gaemı» taıfýny Fýtszıan provıntsııasy mańyndaǵy Qytaıdyń materıktik jaǵalaýyna soqty.

Provıntsııa bıligi qaýipti aımaqtan 150 myń turǵyndy aldyn ala evakýatsııalady.

25 shilde kúni keshke taıfýn Pýtıan qalalyq okrýginiń jaǵalaý aımaǵyna soǵyp, soltústik-batys baǵytta 20 km/saǵ jyldamdyqpen júrip ótti. Tsıklonnyń ortalyq bóligindegi jeldiń jyldamdyǵy 28 m/s jetti.

Buǵan deıin Fýtszıan teńiz isteri basqarmasy jaǵalaýǵa qosymsha úsh qutqarý tikushaǵy men úsh qutqarý kemesin, sondaı-aq tótenshe jaǵdaılarǵa jaýap berýge daıyn 49 patrýldik qaıyq pen 100-den astam súıretpe jibergeni habarlandy.

Sársenbige qaraǵan túni taıfýn Taıvannyń shyǵys jaǵalaýyna Ilan okrýginiń mańyna keldi. Resmı málimetterge sáıkes, 5 adam taıfýn soqqysynyń qurbany boldy, taǵy 500-den astamy belgili bir dárejede zardap shekti.