Qytaıdaǵy taý tasqyny: ıÝıchjýn ýezinde joldar men elektr jaryǵy qalpyna keltirildi

ASTANA. KAZINFORM — Qytaıdyń soltústik-batysyndaǵy Gansý provıntsııasynyń ıÝıchjýn ýezinde jeksenbi kúni taý tasqyny saldarynan zaqymdanǵan joldar men elektr jelileri jóndeldi, dep habarlaıdy Sınhýa.

Tabıǵı apattan 13 adam qaza taýyp, taǵy 30 adam iz-túzsiz joǵalǵandar qatarynda.

Jergilikti bıliktiń málimetinshe, jeksenbi kúni apattan eń kóp zardap shekken aýdandarǵa aparatyn joldar qaıtadan kólik qozǵalysy úshin ashyldy. Qutqarý jáne qalpyna keltirý jumystaryna 700-den astam qutqarýshy men 200-den asa arnaıy tehnıka jumyldyrylǵan.

«State Grid» ulttyq elektr jelileri korporatsııasyna qarasty Gansý elektr energetıkalyq kompanııasynyń habarlaýynsha, zardap shekken turǵyn úılerge elektr qýaty senbi keshke qaraı qalpyna keltirilgen. Elektrmen jabdyqtaýdy qamtamasyz etý úshin 73 apattyq kólik, 42 generator, 3 jyljymaly elektr stantsııasy jáne 330 jóndeý qyzmetkeri tartyldy.

Nóser jaýyn saldarynan paıda bolǵan taý tasqyndary beısenbi keshke ıÝıchjýn ýezi men Lanchjoý qalasynyń basqa da aýdandaryna áser etken. Juma kúni túske deıin jaýyn-shashyn mólsheri 220,2 mm-ge jetken.

Qazirgi tańda iz-túzsiz joǵalǵandardy izdeý jáne basqa da qutqarý jumystary qyzý qarqynmen jalǵasyp jatyr.

Eske salsaq, buǵan deıin Qytaı bıligi sý tasqynynan zardap shekken óńirlerdegi joldardy qalpyna keltirýge 70 mıllıon ıýan bólgeni málim boldy.

Keshe Qytaıdyń soltústik-batysyndaǵy Gansý provıntsııasynda taý tasqyny saldarynan 10 adam qaza taýyp, 33 adam iz-túzsiz joǵalyp ketkenin jazǵan edik.