Qytaıdaǵy sý tasqyny: Haıýanattar baǵyndaǵy 100-den astam janýar sýǵa aǵyp ketti
ASTANA. KAZINFORM — Qytaıdyń Gýansı-Chjýan avtonomııalyq aýdanynda bolǵan sý tasqyny saldarynan haıýanattar baǵynan 100-den astam janýardy sý aǵyzyp áketti, dep habarlaıdy Report.
Haıýanattar baǵynyń aýmaǵyn túgel sý basqan. Sonyń saldarynan barlyq janýarlardy sý aǵyzyp áketken. Al torda qalǵan jyrtqyshtardyń bir bóligi, onyń ishinde úsh arystan óldi.
Aldyn ala málimet boıynsha haıýanattar baǵyna keltirilgen shyǵyn shamamen 4 mln ıýanǵa (590 myń dollarǵa jýyq) baǵalanyp otyr.
Buǵan deıin Qytaıdyń shyǵysyndaǵy Hanchjoý qalasynda sý tasqynynan keıin jylan fermasynan júzdegen ýly jylan aǵyp ketip, adamdarǵa shabýyl jasaı bastaǵany habarlanǵan edi.
Al shilde aıynyń basynda «Maısak» taıfýny nóser jaýyn ákelip, sonyń saldarynan Gýansı-Chjýan avtonomııalyq aýdanyndaǵy ózenderde sý deńgeıi qaýipti mejeden asty. Tabıǵı apattan 39 adam qaza taýyp, taǵy 9 adam iz-túzsiz joǵalyp ketken.
Sonymen qatar Lıýlan sý qoımasyndaǵy bóget buzyldy.
Sınoptıkterdiń boljamynsha, aldaǵy demalys kúnderi Qytaıdyń shyǵys jaǵalaýyna jaqyndap kele jatqan qýatty «Bavı» taıfýny eldiń birqatar óńirinde taǵy da nóser jaýyn men sý tasqynyn týdyrýy múmkin.
Aıta keteıik, Qytaı sý tasqynynan zardap shekken óńirine qosymsha gýmanıtarlyq kómek jiberdi.
