Qytaıdaǵy sý tasqynynyń zardaptaryn joıýǵa 2 myńnan asa áskerı jumyldyryldy
ASTANA. KAZINFORM — Seısenbi kúni túske deıin olar 4 100-den astam turǵyndy evakýatsııalap, 3 000-nan astam jedel kómek jáshigin jetkizgen, dep habarlaıdy Sınhýa.
Qytaı Halyq-azattyq armııasynyń bólimsheleri, Qytaıdyń Halyqtyq qarýly polıtsııa otrıadtary men halyq jasaqtary sý tasqynyn boldyrmaý, tabıǵı apattardyń saldaryn joıý jáne zardap shekkenderge kómek kórsetý mindetterin oryndaýǵa dereý kiristi. Bul kúshter sý tasqynynan zardap shekken aımaqtarǵa jetken boıda jumysqa jumyldyryldy.
Sońǵy ýaqytta Qytaıdyń shyǵys, soltústik jáne soltústik-shyǵys óńirlerinde tolassyz jaýǵan nóser jaýyn saldarynan sý tasqyndary men geologııalyq apattar boldy. Bul tabıǵı apattar adam ólimine jáne aýqymdy materıaldyq shyǵyndarǵa alyp keldi.
Beıjiń qalasynyń Halyqtyq qarýly polıtsııasynyń biriktirilgen jasaǵy sý tasqyny saldaryn joıýǵa kómektesý úshin 2 000-nan astam ofıtser men sarbaz jóneltti.
Sonymen qatar Sınhýa málimetinshe, Qytaı Qyzyl Krest qoǵamy seısenbi kúni Beıjiń qalasynyń Mııýn aýdanyna tabıǵı apattyń saldaryn joıý jumystaryna kómektesý úshin jumys tobyn jibergenin habarlady.
Beıjiń Qyzyl Krest qoǵamynan túsken nóser jaýyn men sý tasqyny týraly aqparat negizinde, dúısenbi kúni Qytaı Qyzyl Krest qoǵamy tótenshe jaǵdaılarǵa jedel áreket etý sharalaryn qabyldap, sý tasqynynan zardap shekken aýdandarǵa otbasylarǵa 2 myń gýmanıtarlyq kómek jıyntyǵyn jiberdi. Bul kómek jergilikti Qyzyl Krest uıymdarynyń turǵyndardy kóshirý jáne ornalastyrý sharalaryn júzege asyrýyna qoldaý kórsetý maqsatynda jetkizildi.
Dúısenbi kúni tún jarymyna deıin jalǵasqan kúshti nóser jaýyn saldarynan 30 adam qaza tapty, joldar búlindi, elektr jelileri isten shyǵyp, kóptegen adam evakýatsııalandy. Osy jaǵdaıǵa baılanysty Beıjiń bıligi qutqarý jumystaryn bastady.
Qaıǵyly oqıǵalar Qytaı astanasynyń soltústik taý bókterlerinde tirkeldi. Atap aıtqanda, Mııýn aýdanynda 28 adam, al ıAntsın aýdanynda 2 adam qaza tapqan.
Buǵan deıin habarlanǵandaı, Qytaıda «nómir birinshi sý tasqyny» tirkeldi.