Qytaıdaǵy shahtadaǵy jarylys: eki laýazymdy tulǵaǵa qatysty tergeý bastaldy
ASTANA. KAZINFORM — Qytaıdyń soltústigindegi Shansı provıntsııasynda shahtalardaǵy qaýipsizdikti qadaǵalaýǵa jaýapty eki laýazymdy tulǵa kómir shahtasyndaǵy gaz jarylysyna baılanysty zańdy óreskel buzdy degen kúdikpen tergeýge alyndy, dep habarlaıdy Sınhýa.
Jergilikti bıliktiń habarlaýynsha, Shansı provıntsııasynyń qadaǵalaý komıteti QHR Shahtalardaǵy óndiristik qaýipsizdikti baqylaý jónindegi memlekettik basqarmasynyń Shansı bıýrosynyń qyzmetkerleri Hý Hýeısýn men ıÝı Chjantsınge qatysty tergeý júrgizip jatyr.
Eske salsaq, 2026 jylǵy 22 mamyrda Shansı provıntsııasynyń Chanchjı qalasyna qarasty Tsınıýan ýezindegi «Lıýshenıýı» kómir shahtasynda gaz jarylysy bolyp, saldarynan kóptegen adam qaza tapqan edi.
Aıta ketelik Sı Tszınpın Qytaıdyń soltústigindegi kómir shahtasynda bolǵan apatqa dereý shara qabyldaýdy tapsyrǵan edi.
Qytaı bıligi Shansıdegi shahta jarylysyna qatysty qatań tergeý júrgizetinin málimdedi.
