Qytaıdaǵy shahta apaty: 90 adam úıindiniń astynda qalyp qoıdy
ASTANA. KAZINFORM — Qytaıdyń soltústigindegi Shansı provıntsııasynda ornalasqan kómir shahtasynda bolǵan apattan 90 adam jer astynda qalyp qoıǵan. Bul týraly Qytaıdyń memlekettik Sınhýa agenttigine silteme jasap, Reuters habarlady.
Apat juma kúni keshke Chanchjı qalasynyń Tsınıýan ýezinde ornalasqan Lıýshenıý kómir shahtasynda bolǵan. Sol kezde shahta ishinde barlyǵy 247 jumysshy jer astynda bolǵan.
Oqıǵadan keıin qutqarý jumystary bastalyp, senbi kúni tańǵa deıin:
-
157 adam jer betine shyǵarylǵan
-
olardyń ishinde 4 adamnyń qaza tapqany rastalǵan
-
90 adam áli de shahta ishinde qalǵan
Mamandardyń aıtýynsha, shahtada kómirtek totyǵy (ıis gazy) deńgeıi ruqsat etilgen mólsherden asyp ketken, bul apattyń negizgi sebebi bolýy múmkin.
Qazirgi ýaqytta qutqarý jumystary jalǵasyp jatyr, al shahtada qalǵan adamdardy aman alyp shyǵýǵa tyrysyp jatyr.
Aıta keteıik, buǵan deıin Sı Tszınpın Qytaıdyń soltústigindegi kómir shahtasynda bolǵan apatqa dereý shara qabyldaýdy tapsyrdy.
