Qytaıdaǵy shahta apaty: 82 adam qaza tapty
ASTANA. KAZINFORM — Qytaıdyń soltústigindegi kómir shahtasyndaǵy apattan 82 adam qaza taýyp, 9 adam iz-túzsiz joǵalǵan. Bul týraly Sınhýa agenttigi habarlady.
Qytaıdyń soltústigindegi Shansı provıntsııasynda 82 adamnyń ómirin qıǵan kómir shahtasyndaǵy apattan keıin iz-túzsiz joǵalǵan toǵyz adamdy izdeý boıynsha aýqymdy qutqarý jumystary jalǵasyp jatyr.
Jergilikti tótenshe jaǵdaılardy basqarý vedomstvosynyń málimetinshe, 22 mamyr kúni saǵat 19:29-da Tsınıýan ýezindegi «Lıýshenıýı» kómir shahtasynda gaz jarylysy bolǵan. Sol sátte jer astynda 200-den astam adam bolǵan.
Jalpy sany 123 adam aýrýhanalarǵa jetkizildi. Olardyń ekeýiniń jaǵdaıy asa aýyr, taǵy ekeýi aýyr halde jatyr, al 119 adam jeńil jaraqat alǵan.
