Qytaıdaǵy ortasha boljamdy ómir uzaqtyǵy 79 jylǵa jetti

ASTANA. KAZINFORM — 2024 jyldyń sońyndaǵy jaǵdaı boıynsha Qytaıdaǵy ortasha boljamdy ómir uzaqtyǵy 79 jylǵa jetken, dep habarlaıdy Sınhýa.

Bul týraly beısenbi kúni QHR Densaýlyq saqtaý isteri memlekettik komıtetiniń tóraǵasy Leı Haıchao Qytaıdyń 14-shi besjyldyǵy (2021-2025 jyldar) aıasyndaǵy densaýlyq saqtaý salasyndaǵy jetistikteri týraly ótkizilgen baspasóz konferentsııasynda habarlady.

Leı Haıchaonyń aıtýynsha, bul kórsetkish 2020 jylmen salystyrǵanda 1,1 jylǵa ósti jáne bul damýshy el úshin úlken jetistik dep sanalady.

Sonymen qatar, ol Qytaıdyń 8 oblystyq deńgeıdegi ákimshilik birliginde ortasha boljamdy ómir uzaqtyǵy 80 jyldan asty dep atap ótti.

Leı Haıchao sońǵy bes jyl ishinde eldegi náreste jáne ana ólim-jitim kórsetkishteri tómendegenin, al halyqtyń jalpy densaýlyǵy jaqsarǵanyn jetkizdi.

Budan buryn habarlanǵandaı, Qytaıda 1 qyrkúıekten bastap jeke zeınetaqy shottarynan qarajatty merziminen buryn alý negizderiniń tizimin keńeıtetin jańa erejeler kúshine enedi.