Qytaıdaǵy Nınbo týrnıri: Elena Rybakına ekinshi jyl qatarynan fınalǵa shyqty
ASTANA. KAZINFORM — Qazaqstannyń birinshi jáne álemniń 1-raketkasy Elena Rybakına Nınbo (Qytaı) WTA 500 týrnıriniń fınalyna joldama aldy.
Qazaqstandyq tennısshi jartylaı fınalda álemniń 13-raketkasy, reseılik Dıana Shnaıderge qarsy keldi.
Osyǵan deıin qarsylastar ózara eki ret kezdesip, ekeýinde de Rybakına jeńgen edi.
Bul joly birinshi sette esep 3:2 bolǵan sátte Elena breık jasaı aldy. Sodan keıin 11-setbolyn paıdalana bildi – 6:3.
Ekinshi partııada E.Rybakına breık jasap, 5:3 esebimen alǵa ketti. Alaıda matchqa dop bergende, Shnaıder breıkpen jaýap berdi – 5:5. Degenmen Elena taǵy bir breıkke qol jetkizip, oıyndy jeńispen túıindedi – 7:5.
Bir saǵat 36 mınýtqa sozylǵan báseke barysynda Rybakına 6 eıspen birge 6 breık-poınttyń úsheýin óz esebine jazdy. Shnaıder 1 eıs, 1 breıkpen kózge tústi.
Elena Rybakına fınalda álemniń 30-raketkasy, kanadalyq Leıla Fernandespen bas júldeni sarapqa salady. Ol jartylaı fınalda chehııalyq Marııa Boýzkovany joldan taıdyrdy – 6:3, 7:5.
Ótken jyly qazaqstandyq tennısshi Nınboda úzdik shyqqan edi.
Eske sala keteıik, budan buryn Elena Rybakınanyń Qytaıdaǵy jarystyń jartylaı fınalyna ótkenin jazǵan edik.
Sondaı-aq Almaty týrnırinde Býblık 2024 jylǵy chempıondy jeńip, jartylaı fınalǵa shyqty.
