Qytaıdaǵy kópkúndik jarys: astanalyq veloshabandoz jalpy esepte kósh bastady

ASTANA. KAZINFORM – XDS Astana Team shabandozy Henok Mýlýbyrhan Qytaıda ótip jatqan Tsınhaı kólindegi Tour of Cinghai Lake jarysynyń jetinshi kezeńinde úshinshi oryn alyp, jalpy klassıfıkatsııada jańa kóshbasshy atandy, dep habarlaıdy Kazinform tilshisi.

Kópkúndik velojarystyń jetinshi kezeńi Gonghede bastalyp, Haııan qalasynda aıaqtaldy, qashyqtyq 137 shaqyrymdy qurady. Qazaqstan quramasynyń erıtreıalyq legıoneri úshinshi, al onyń áriptesi, 34 jastaǵy jańa zelandııalyq Aaron Geıt tórtinshi orynǵa taban tiredi. 

– Biz úshin sátti ári qıyn kún boldy. Komanda maǵan senim artty. Sondyqtan men ózimdi jaqsy sezindim jáne fınalǵa daıyndaldym. Qorytyndylaı kele, biz kezeń boıynsha úshinshi oryn aldyq, sonymen qatar jalpy esepte kósh basyna shyqtyq. Endi azdap demalyp, erteńgi sheshýshi kezeńge basa nazar aýdarý kerek, - dedi Henok Mýlıýbyrhan XDS Astana Team komandasynyń baspasóz qyzmetine. 

Eske sala keteıik, Demeý Jadyraevtyń bozkilemge qashan oralatynyn jazǵan edik.