Qytaıdaǵy qysqy Azııa oıyndary bizge úlken tájirıbe boldy – Altaı Járdembekuly

HARBIN. KAZINFORM – Qazaqstandyq konkımen júgirýshi Altaı Járdembekuly Kazinform tilshisine bergen suhbatynda Harbındegi qysqy Azııa oıyndarynan kóp sabaq alǵanyn aıtty. Sportshy áńgime barysynda búgin júldege bir taban jetpeı qalǵanyn aıtyp, kóńilindegi ókinishin jasyra almady. 

Қытайдағы қысқы Азия ойындары бізге үлкен тәжірибе болды – Алтай Жәрдембекұлы
Фото: Сали Сабыров

– Ókinishten ózegim órtenip tur. Biraq erteńgi sońǵy jarys kúninde bar kúshimizdi salamyz. Biz sprınt synynda tek bir ǵana medalǵa qol jetkizdik. Azııa elderi sprınttik syndarda óte joǵary deńgeıde, olardyń qatarynda álem jáne Olımpıada chempıondary bar. Nátıjeleri álemdik rekordtarǵa óte jaqyn. Harbınde osy sportshylar bizdi qapy qaldyrdy. Sol úshin bul jarys bizge úlken tájirıbe boldy, - dedi sportshy.

Qytaıdaǵy qysqy Azııa oıyndary bizge úlken tájirıbe boldy – Altaı Járdembekuly
Foto: Salı Sabyrov

Ol sonymen qatar alda kele jatqan Mılan qysqy Olımpıada oıyndarynda da sátti óner kórsetýdi de basty maqsat tutyp otqanyn aıtty. 

– Alda Mılan qysqy Olımpıada oıyndary kele jatyr. Sol úshin, barlyq kúsh-qýatymyzdy jınap, ol synǵa da daıyndalamyz. Shyny kerek, Harbındegi jarystar óte qıyn boldy, biraq eshqandaı syltaýǵa sebep joq. Biz ózimizdiń qandaı qatelik jibergenimizdi bildik jáne sol qatemen jumys isteýdi qolǵa alamyz. Basty maqsat – Mılan Olımpıadasy. Qazaqstan qorjynyna tarıhı júlde syılaǵymyz keledi, - dedi Altaı Járdembekuly.

Aıta keteıik, búgin qazaqstandyq konkımen júgirýshiler erler arasynda 500 metr jáne áıelder arasynda 3 000 metr jarysynda óner kórsetip, Evgenıı Koshkın 4-oryn, Nadejda Morozova 4-oryn aldy. Sondaı-aq Qazaqstan erler quramasy komandalyq iz qýý synynda tórtinshi oryndy mise tutty.

Сейчас читают