Qytaıdaǵy qazaqstandyqtar daýys berýge belsendi qatysyp jatyr
ASTANA. KAZINFORM — Dál qazir álemniń 61 elinde 79 saılaý ýchaskesi jumys istep tur. Sonyń ishinde Qytaıdaǵy qazaqstandyqtardyń daýys berýge belsendiligi joǵary.
Onlaın marafon barysynda jýrnalıst Áıgerim Turan Qytaıdyń Beıjiń qalasynan tikeleı baılanysqa shyqty. Onyń aıtýynsha, bul elde qazaqstandyq jastardyń úlesi basym. Qazir Qytaıda 6 myńnan astam qazaqstandyq stýdent bilim alyp júr.
Búkil Qytaı aýmaǵynda tórt saılaý ýchaskesi jumys istep tur. Olar Beıjiń, Gonkong, Sıan jáne Shanhaı qalalarynda ornalasqan.
Aıta ketelik shetelde júrgen 228 otandasymyz daýys bergen edi. Búgin saǵat 10:00-ze deıin saılaýshylardyń 17,96 paıyzy bıýlleten alyp úlgergeni týraly jazǵan edik.
