Qytaıdaǵy qazaq boksshysy Toqtarbek Tańatqan Strandja kýbogynyń shırek fınalyna shyqty

ASTANA. KAZINFORM – Kishi álem chempıonaty sanalatyn Bolgarııadaǵy Strandja kýbogyna qatysyp jatqan qytaılyq qandasymyz Toqtarbek Tańatqan shırek fınalǵa shyqty.

Ol atalǵan týrnırdiń 1/8 fınalynda 80 kelige deıingi salmaq dárejesinde Grekııa boksshysy Mıhaıl Tsamalıdıspen judyryqtasyp, ony 4:0 esebimen jarys jolynan taıdyrdy. Osylaısha qytaıda turatyn qandasymyz týrnırdiń shırek fınalyna shyqty.

Esterińizge sala ketsek, Toqtarbek Tańatqan 2023 jyly Tashkentte (Ózbekstan) ótken álem chempıonatynyń kúmis júldegeri, sonymen qatar ótken jyly Qytaıda ótken Azııa oıyndarynda chempıon atanyp qana qoımaı, Parıj Olımpıadasynń joldamasyn da jeńip alǵan bolatyn.

Aıta keteıik, atalǵan týrnırde Qazaqstan quramasy on salmaq dárejesinde synǵa túsip jatyr.