Qytaıdaǵy etnıkalyq mońǵoldar «muzdaǵy arga» jarysyn ótkizdi
ASTANA. KAZINFORM - Qytaıdyń soltústiginde turatyn etnıkalyq mońǵoldar «muzdaǵy arga» (muzdaǵy asyq) jarysyn ótkizdi. Bul týraly «Halyq Gazeti» basylymy habarlady.
«Muzdaǵy arga» (muzdaǵy asyq）- mońǵol halqynyń dástúrli muz sporty. 2007 jyly ol qytaıdaǵy Mońǵol avtonomııaly regıony materıaldyq emes mádenı murasy tizimine engizildi.
«Argany»（asyq）sıyrdyń asyǵyn óńdep, boıap, daıyndaıdy. Ázirleý kezinde sıyr asyǵynyń dóńes jáne oıys jerlerin tegistep, oıys betinen tesik jasap, salmaǵyn arttyrý úshin qorǵasyn quıady. Bul oıyndy oınaǵanda dóńes beti bar argany atyp, jetken jerinde qaldyryp nysana argasy etedi. Sodan soń qoldaǵy saqamen nysana argasyn kózdeıdi. Saqasy nysanaǵa tıgen adam jeńimpaz atanady.
— Bul oıyndy eki adam da oınaı beredi. Al adam kóp bolǵan saıyn oıyn qyzyqty bola túsedi, - dep jazady basylym.
Aıta keteıik, Qytaı Mońǵolııada mekendeıtin sırek aıý túrin qorǵaýdy qoldaıtynyn jazǵan edik.