Qytaıda aıaq kıim fabrıkasynda izdestirý-qutqarý jumystary aıaqtaldy
ASTANA. KAZINFORM — Juma kúni Qytaıdyń shyǵysyndaǵy Fýtszıan provıntsııasynyń Tszıntszıan qalasyndaǵy aıaq kıim fabrıkasynda bolǵan órtten keıin izdestirý-qutqarý jumystary aıaqtaldy. Oqıǵa saldarynan 28 adam qaza tapty, dep habarlaıdy Sınhýa.
Jergilikti bıliktiń deregine sáıkes, órt 9 shildede Chendaı kentiniń Tszıantoý aýylynda ornalasqan Huiteng Shoes Co., Ltd. kompanııasynyń fabrıkasynda shyqqan.
Órt tutanǵan sátte kásiporynda 237 jumysshy jáne jetkizý qyzmetiniń eki qyzmetkeri bolǵan.
Jalpy sany 213 adam evakýatsııalandy. Alaıda olardyń ekeýi dárigerlerdiń barlyq kúsh-jigerine qaramastan, aýrýhanada kóz jumdy.
Sonymen qatar iz-túzsiz joǵalǵandar qatarynda bolǵan 26 adamnyń qaza tapqany rastaldy.
Buǵan deıin QHR tóraǵasy Sı Tszınpın Qytaıdyń shyǵysyndaǵy aıaq kıim fabrıkasyndaǵy órtten keıin izdestirý-qutqarý jumystaryn júrgizýge bar kúshti jumyldyrýǵa shaqyrǵany habarlandy.
