Qytaıdaǵy alyp pandalar popýlıatsııasy 830-ǵa jetti
ASTANA. KAZINFORM — Qytaıda jasandy ortada tirshilik etetin alyp pandalardyń sany 830-ǵa jetti, dep habarlaıdy Kazinform agenttiginiń Beıjińdegi menshikti tilshisi Xinhua agenttigine silteme jasap.
Bul týraly seısenbi kúni Chendý qalasynda ótken konferentsııada QHR Memlekettik orman jáne dala sharýashylyǵy basqarmasy basshysynyń orynbasary Lı ıÝntsın málimdedi.
Onyń aıtýynsha, Alyp pandalar ulttyq parki qurylǵannan bergi bes jyl ishinde ekologııalyq dálizderdiń kómegimen 13 jergilikti popýlıatsııanyń meken etý aýmaqtary biriktirilgen. Bul aımaqtarda janýarlardyń bir jerden ekinshi jerge qonys aýdarýynyń 150-den astam deregi tirkelgen.
Lı ıÝntsınniń sózinshe, sońǵy 30 jylda Qytaı 20 eldiń 26 uıymymen halyqaralyq ǵylymı yntymaqtastyq ornatqan. Osy ýaqyt ishinde sheteldegi baǵdarlamalar aıasynda 69 pandadan 73 tól dúnıege kelgen.
Aldaǵy ýaqytta Alyp pandalar ulttyq parkiniń aýmaǵyn damytý jospary ázirlenip, adam áreketiniń tabıǵatqa yqpalyn baqylaý kúsheıtiledi. Sondaı-aq janýarlar arasyndaǵy aýrýlardy anyqtaý jumystary kúsheıtiledi.
Buǵan deıin Qytaıdan eki alyp panda AQSh-qa jetkizilgeni habarlanǵan bolatyn.
