Qytaıdaǵy Álem chempıonaty. Short-trekten el namysyn kimder qorǵaıdy

ASTANA. KAZINFORM — Short-trekten Qazaqstan quramasynyń bas bapkeri Petr Gamıdov Beıjińde (Qytaı) 2025 jyly ótetin álem chempıonatynda el namysyn qorǵaıtyn sportshylardyń esimin atady, dep habarlaıdy UOK baspasóz qyzmeti.

Mamannyń aıtýynsha, quramǵa on sportshy engen. Júlde úshin Abzal Ájǵalıev, Denıs Nıkısha, Ádil Ǵalıahmetov, Mersaıd Jaqsybaev, Gleb Ivchenko, ıAna Han, Zeınep Qumarqan, Olga Tıhonova, Malıka Ermek jáne Alına Ájǵalıeva baq synaıdy.

Qazirgi ýaqytta ulttyq qurama Astanada álem chempıonatyna sońǵy daıyndyqtaryn júrgizip jatyr. Komanda 8 naýryzda Beıjińge attanady.

Álem chempıonaty 14-16 naýryz aralyǵynda ótedi.

Eske sala keteıik, ótken jyly álem chempıonatynda Denıs Nıkısha 500 metr qashyqtyqta kúmis medal jeńip alǵan bolatyn. Ol eresekter arasyndaǵy álem birinshiliginde short-trekten júlde alǵan alǵashqy qazaqstandyq atanǵan edi.

Budan buryn voleıboldan Qazaqstan chempıonatynda «Jetisý» jartylaı fınalda «Turandy» tize búktirgenin jazdyq.