Qytaıda jerleý rásimderinde dron men JI qoldaný pikirtalas týdyrdy

ASTANA. KAZINFORM — Qytaıda dronnan jasalǵan raqymshyldyq qudaıy jáne jasandy ıntellekt qoldanylǵan jerleý rásiminiń vıdeolary qoǵamda qyzý pikirtalasqa sebepshi boldy, dep habarlaıdy Kazinform agenttiginiń Beıjińdegi menshikti tilshisi SCMP-ge silteme jasap.

Qytaıda jerleý rásimderinde dron men JI qoldaný pikirtalas týdyrdy
Foto: Douyin

Jerleý rásiminde joǵary tehnologııalardy qoldaný kerek pe, álde kóneden kele jatqan dástúrdi saqtaǵan durys pa degen suraqqa jaýap izdep qytaı qoǵamyndaǵy pikir ekige jarylǵan.

Áleýmettik jelilerde taralǵan beınejazbalarda keshki aýyl aýlasynda qart adamnyń jerleý rásimine jınalǵan ondaǵan týystary kórsetilgen. Jaryqtandyrylǵan eki dron áýege kóterilip, daýystyq habarlamalar taratyp, birtindep uzap barady.

Adam beınesindegi dron-tyrna marqumnyń jasandy ıntellekt arqyly sıntezdelgen daýysymen duǵa oqyp, otbasyna tynyshtyq pen densaýlyq tileıdi. Artynsha dron áıel daýysymen sóılep, marqumdy aqtyq saparǵa shyǵaryp salýǵa kelgenin aıtady.

Jerleý rásiminiń qaıda ótkeni aıtylmaǵan. Jerleý rásimin ótkizýmen aınalysatyn fırma ókilderiniń aıtýynsha, osyndaı bir jup drondy jalǵa alý quny shamamen 10 000 ıýan (1500 dollar), dástúrli dinı rásimderdi ótkizetin monahty shaqyrsańyz da osynshama qarajat ketetin kórinedi.

Jeli qoldanýshylarynyń reaktsııalary ekige bólindi. Keıbireýler uıymdastyrýshylardy «bıznes danyshpandary» dep atap, qoshtasý rásimderiniń jańa formattarynyń paıda bolǵanyn aıtsa, endi bireýler bul ıdeıany synǵa alyp, drondardyń qoıylymyn «absýrd», qaraly úıge sáıkes kelmeıtin jaǵdaı dep atady.

Buǵan deıin Qytaı emotsıonaldy táýeldilik qaýpine baılanysty JI seriktesterin shekteıtini habarlanǵan.

JI jasaǵan qytaılyq serıal 4 mlrd qaralym jınady.

Qytaı jasandy ıntellektini qaýipti aýa raıyn boljaýǵa úıretti.