Qytaıda jer silkinisinen keıin jedel áreket etý rejımi engizildi
ASTANA.KAZINFORM - Qytaıdyń seısmologııalyq basqarmasy dúısenbide Sychýan provıntsııasynyń (ońtústik-batys Qytaı) Ibın qalalyq okrýginiń Gaosıan okrýginde 5,5 baldyq jer silkinisinen keıin 3-deńgeıdegi jedel áreket etý rejımin engizdi, dep habarlaıdy Sınhýa.
Qytaıdyń seısmologııalyq jeliler ortalyǵynyń málimeti boıynsha, jer silkinisi 29 maýsymda Beıjiń ýaqyty boıynsha 00:12-de bolǵan.
Epıtsentr koordınattary soltústik endik boıynsha 28,50 gradýs jáne shyǵys boılyq boıynsha 104,69 gradýs bolatyn núktede tirkeldi. Gıpotsentr 6 km tereńdikte jatty.
Qytaıda tótenshe jaǵdaılardy joıýdyń tórt deńgeıli júıesi bar, onyń 1-deńgeıi eń joǵarysy.
Aıta keteıik, Venesýelada 24 maýsymda bolǵan jer silkinisinen qaza tapqandar sany 1430-ǵa jetti.
Kolýmbııalyq qutqarýshylar Venesýelada úıindi astynan 11 jastaǵy balany 70 saǵattan keıin aman alyp shyqty. Bul týraly Kolýmbııanyń Qorǵanys mınıstrligi habarlady.
