Qytaıda jer silkinisinen qaza tapqandar sany 100 adamnan asty
Qytaıdyń soltústik-batysyndaǵy Gansý jáne Tsınhaı provıntsııalarynda bolǵan jer silkinisinen qaza tapqandar sany 100 adamnan asty. Bul týraly Qytaıdyń ortalyq telearnasynan málimdedi, dep habarlaıdy Kazinform agenttiginiń tilshisi.
Gansý provıntsııasynda qaza tapqandar sany qazir 105 adamǵa jetti, al Tsınhaı provıntsııasynda 11 adam qaıtys boldy. Buǵan deıin Qytaıdyń joǵaryda atalǵan eki provıntsııasynda 300-den astam adam qurban bolǵany týraly habarlanǵan.
QHR tóraǵasy Sı Tszınpın adamdardy izdestirý jáne qutqarý, sondaı-aq Gansý provıntsııasyndaǵy jer silkinisiniń saldaryn joıý úshin barlyq kúsh-jigerdi jumsaýǵa shaqyrdy.
QHR Memlekettik keńesi zardap shekken aımaqtarǵa kómek kórsetý jumystaryn júrgizý úshin arnaıy jumys tobyn jiberdi.
Іzdestirý-qutqarý jumystary kúrdeli meteorologııalyq jáne geografııalyq jaǵdaılarǵa baılanysty qıyndap jatyr. Jer silkinisi bolǵan kezde túnde aýa temperatýrasy -15 gradýsqa deıin tómendegen. Sınoptıkterdiń boljamynsha, jer silkinisi bolǵan aımaqta aldaǵy 10 kúnde aýa temperatýrasy kúndiz 5 gradýsqa deıin kóterilip, túnde -14 gradýsqa deıin tómendeýi yqtımal.
Magnıtýdasy 6,2-ge deıin jetken jerasty dúmpýleri Gansý provıntsııasynyń Tszıshıshan-Baoan-Dýnsıan-Salar avtonomııalyq okrýginde tirkeldi. Oshaǵy 10 km tereńdikte bolǵan.
