Qytaıda jer silkinisinen 13 adam zardap shekti
ASTANA. KAZINFORM — Qytaıdyń ońtústik-batysyndaǵy Sychýan provıntsııasyndaǵy Ibın qalasynyń ákimshilik baǵynysty Gaosıan ýezinde 5,5 baldyq jer silkinisinen qaza tapqandar týraly habarlama kelip túsken joq, dep habarlaıdy Sınhýa.
Ibın qalasy jer silkinisinen zardap shekkenderge kómek kórsetý shtabynyń málimetinshe, on úsh adam jeńil jaraqat aldy, al 196 adam evakýatsııalanyp, ýaqytsha pýnkterge ornalastyryldy.
Eske salsaq, jer silkinisi 29 maýsymda Beıjiń ýaqyty boıynsha 00:12–de bolǵan.
Qytaıdyń seısmologııalyq basqarmasy dúısenbide Sychýan provıntsııasynyń (ońtústik-batys Qytaı) Ibın qalalyq okrýginiń Gaosıan okrýginde 5,5 baldyq jer silkinisinen keıin 3-deńgeıdegi jedel áreket etý rejımin engizdi.
