Qytaıda jazǵy kıno maýsymynyń kassalyq túsimi 1,64 mlrd dollarǵa jetti
ASTANA. KAZINFORM – Qytaıda 2025 jylǵy jazǵy kıno maýsymy aıaqtalýǵa jaqyn. Elde qytaılyq fılmderdiń tanymaldylyǵy arqasynda kassalyq túsim kólemi ótken jylǵy kórsetkishten asyp tústi, dep habarlaıdy Sınhýa.
«Maoıan» (Maoyan) bılet satý platformasynyń derekterine sáıkes, juma kúni keshke deıingi esep boıynsha Qytaıda jazǵy maýsymdaǵy kassalyq túsim 11,64 mlrd ıýanǵa, ıaǵnı shamamen 1,64 mlrd AQSh dollaryna jetti. Bul 2024 jylǵy jazǵy maýsymdaǵy jalpy túsimnen joǵary.
Jazǵy maýsym dástúrli túrde Qytaı kınematografııasyndaǵy eń tabysty kezeńderdiń biri sanalady. Ol 1 maýsymnan 31 tamyzǵa deıin jalǵasady jáne kórermender tarapynan zor qyzyǵýshylyqqa ıe.
Sarapshylardyń aıtýynsha, bıylǵy maýsymdaǵy nátıjeler Qytaıdyń álemdegi ekinshi iri kınonaryǵynyń belsendiliginiń qaıta jandana bastaǵanyn kórsetedi.
Aıta keteıik, Qytaıda bókenderdi baqylaıtyn robot-kıik jasaldy.