Qytaıda jastar arasyndaǵy jumyssyzdyq deńgeıi sońǵy 11 aıdaǵy eń tómengi kórsetkishke tústi
ASTANA. KAZINFORM — Qytaıdyń Ulttyq statıstıka basqarmasy jarııalaǵan málimetke sáıkes, 2026 jylǵy mamyrda 16–24 jas aralyǵyndaǵy jastar arasyndaǵy jumyssyzdyq deńgeıi 15,6 paıyzdy qurap, sońǵy 11 aıdaǵy eń tómengi kórsetkishke jetti.
Mamyr aıynda Qytaıdaǵy qalalyq jerlerdegi jalpy zertteletin jumyssyzdyq deńgeıi 5,1 paıyz boldy.
25–29 jas aralyǵyndaǵy azamattar arasyndaǵy jumyssyzdyq deńgeıi 7,2 paıyzdy, al 30–59 jas aralyǵyndaǵy eńbekke qabiletti halyq arasynda 4,1 paıyzdy qurady.
Eske salsaq, Qytaıda jastar arasyndaǵy jumyssyzdyq deńgeıi 2023 jylǵy maýsymda 21,3 paıyzǵa jetken bolatyn. Keıin statıstıkalyq ádisteme jańartylyp, 2023 jyldyń jeltoqsanynan bastap kórsetkish stýdentterdi esepke almastan jarııalanyp keledi.
