Qytaıda jasandy ıntellektini standarttaý jónindegi tehnıkalyq komıtet quryldy
ASTANA. KAZINFORM – Bul týraly Qytaı Halyq Respýblıkasynyń Ónerkásip jáne aqparattandyrý mınıstrligi málimdedi, dep habarlaıdy Kazinform Sınhýa aqparat agenttigine silteme jasap.
Qytaıda jasandy ıntellektini standarttaý jónindegi tehnıkalyq komıtet quryldy. Bul – eldiń JI ındýstrııasyn joǵary sapaly damytýǵa járdemdesý jáne jańa tıpti ındýstrııalandyrý usynatyn múmkindikterdi keńeıtý jónindegi kúsh-jigeriniń bóligi retinde jasalǵan qadam.
Mınıstrliktiń onlaın-málimdemesinde atap ótilgendeı, jańa vedomstvolyq baǵynyshty qurylym JI-men baılanysty salalar úshin salalyq standarttardy ázirleýge jáne qaıta qaraýǵa jaýapty bolady.
Tehnıkalyq komıtet vedomstvo qurǵan alǵashqy organ boldy.
Qytaı aqparat jáne kommýnıkatsııalar ınstıtýtynyń málimetinshe, 2023 jyly Qytaıdaǵy negizgi JI salalarynyń jıyntyq quny áserli 578,7 mlrd ıýanǵa jetti, al JI-diń damyǵan ekojúıesi 4 482 kásiporyndy qurady.
2024 jyl jasandy ıntellektiniń damýyndaǵy mańyzdy jyl boldy. Tehnologııalyq alpaýyttardyń básekesi álemge barǵan saıyn jańa smart ázirlemeler berip otyr: kólikten robot-medbıkege deıin.
Al, jasandy ıntellektiden qandaı qaýip bar ekenin myna materıaldan oqı alasyz.