Qytaıda jasandy ıntellekt ındýstrııasynyń kólemi bir jylda 40%-ǵa ósti
ASTANA. KAZINFORM — Qytaıda jasandy ıntellekt ındýstrııasynyń kólemi 2025 jyldyń qorytyndysy boıynsha 1,2 trln ıýanǵa (176,7 mlrd dollardan astam) jetip, bir jyl ishinde 40%-ǵa ósti, dep habarlaıdy Xinhua.
Qytaıdyń Aqparattyq jáne kommýnıkatsııalyq tehnologııalar akademııasy men Ónerkásip jáne aqparattandyrý mınıstrligi janyndaǵy ǵylymı-zertteý ınstıtýtynyń derekterine sáıkes, naryqtyń 55%-yn qoldanbaly sheshimder, 38%-yn bazalyq jáne esepteý ınfraqurylymy, al 7%-yn modelder men platformalar segmenti qurady.
Jasandy ıntellekt ındýstrııasynyń jalpy kóleminiń 80%-dan astamy Beıjiń, Shanhaı qalalarynda jáne Gýandýn, Chjetszıan, Shandýn provıntsııalarynda shoǵyrlanǵan.
2026 jylǵy maýsymdaǵy málimet boıynsha, Qytaıda 6,6 myńnan astam jasandy ıntellekt kompanııasy jumys isteıdi.
Bul álemdegi osyndaı kompanııalardyń shamamen 15%-yna teń. Elde esepteý ınfraqurylymynan bastap modelder, platformalar jáne salalyq qoldanbalardy qamtıtyn tolyqqandy JI ekojúıesi qalyptasqan.
Aıta ketelik Qytaı emotsıonaldy táýeldilik qaýpine baılanysty JI seriktesterin shekteıdi.
