Qytaıda janarmaı men dızel otynynyń baǵasy kóteriledi

ASTANA. KAZINFORM - Jumadan bastap Qytaıda janarmaı men dızel otynynyń baǵasy kóteriledi. Mundaı sheshimdi Qytaı Halyq Respýblıkasynyń Damý jáne reforma jónindegi memlekettik komıteti qabyldady.

Qytaıdyń Damý jáne reforma jónindegi memlekettik komıtetiniń málimdemesinde halyqaralyq naryqtaǵy munaıdyń álemdik baǵasynyń sońǵy ózgeristerine baılanysty jáne munaı ónimderine baǵa belgileýdiń qoldanystaǵy tetigine sáıkes janarmaı men dızel otynynyń ishki baǵasy kóteriletini atalyp ótti.

Otynnyń eki túriniń baǵasy tonnasyna sáıkesinshe 140 ıýanǵa (shamamen 19,79) jáne 135 ıýanǵa ósedi, delingen vedomstvo habarlamasynda.

Vedomstvoda Qytaıdyń jetekshi úsh munaı kompanııasy, sonyń ishinde PetroChina, Sinopec jáne CNOOC, sondaı-aq munaı óńdeý kompanııalary munaı óndirýdi qoldaýdy jáne turaqty naryqtyq jetkizilimderdi qamtamasyz etý úshin ony tasymaldaýdy jeńildetýdi talap etti, dep habarlady Komıtet.

Buǵan deıin Qytaı bıligi 2024 jyly ósý maqsatyna jetetinine senimdi ekendigi habarlanǵan bolatyn. Sonymen qatar, Qytaı Halyq banki (UBK, Ortalyq bank) bastapqy kólemi 500 mıllıard ıýan (shamamen 71 mıllıard dollar) bolatyn baǵaly qaǵazdar, qorlar jáne saqtandyrý kompanııalary úshin aıyrbastaý mehanızmin qurý týraly sheshim qabyldady.