Qytaıda jańa túrge jatýy múmkin dınozavr qaldyqtary tabyldy

ASTANA. KAZINFORM - Paleontologter Qytaıda jańa túrge jatýy múmkin jasy 90 mıllıon jylǵa jetetin dınozavr qaldyqtaryn tapty, dep jazady TASS.

Bor dáýirine jatatyn qańqa 2021 jyly Shyǵys Tszıansı provıntsııasynyń Hanchjoý qalasyndaǵy qurylys alańdarynyń birinde tabylǵan.

Xinhua agenttiginiń málimetinshe, zertteý barysynda ǵalymdar qaldyqtardyń tıtanozavrlardyń jańa túrine jatatynyn anyqtady jáne ony Gandititan cavocaudatus dep atady.

Tabylǵan súıekterdiń ishinde eń jaqsy saqtalǵany - omyrtqa súıek. Ol arqyly dınozavrdyń jalpy uzyndyǵy shamamen 14 m ekenin boljaýǵa bolady.

"Bul — bor dáýirindegi túrdiń evolıýtsııasy men taralýyn zertteý úshin óte mańyzdy jańalyq", - deıdi ǵalymdar.