Qytaıda jańa kólikter endi kók tústi ındıkatorlarmen jabdyqtalmaıdy
ASTANA. KAZINFORM – Qytaı bıligi ulttyq standarttardy buzǵany úshin jańa jeńil kólikterge syrtqy kók tústi avtonomdy júrgizý ındıkatorlaryn ornatýǵa tyıym saldy, dep habarlaıdy jergilikti BAQ.
Habarlanǵandaı, avtopılottyń kók ındıkatorlary GB 4785-2019 ulttyq standartyna qaıshy keledi, bul standart kók shamdardy tek polıtsııa, jedel járdem jáne qutqarý kólikterinde paıdalanýǵa ruqsat beredi.
Sheshim 27 shildede 410-shy kólik partııasyn sertıfıkattaý bastalǵan kezde kúshine endi. Geely, Changan, Voyah jáne Avatr avtomobıl óndirýshileri talaptardy oryndaǵany týraly málimdedi.
Qytaıdyń Ónerkásip jáne aqparattyq tehnologııalar mınıstrligi buryn satylyp ketken kólikterge qatysty sharalar ázirleý ústinde. Vedomstvo jabdyqty alyp tastaý úshin qaıtaryp alýdy talap ete me, álde jańa óndiriske tyıym salý kezinde olardy paıdalanýǵa ruqsat ete me, ony ázirge sheshken joq.
Avtokólik óndirýshileri qashyqtan baǵdarlamalyq jasaqtamany jańartý arqyly ózderiniń bar kólik parkin talaptarǵa sáıkestendire alady dep kútilip otyr.
Aıta keteıik, kólik qujattarynyń biryńǵaı júıesin qoldaný 2027 jylǵa deıin toqtatyldy.
