Qytaıda jalpy ishki ónimniń ósý qarqyny bıyl shamamen 5% bolady

ASTANA. KAZINFORM – QHR jalpy ishki óniminiń (JІÓ) ósý qarqyny 2024 jyly 5% deńgeıinde belgilendi. Bul týraly seısenbi kúni eldiń joǵarǵy zań shyǵarýshy organynyń jyl saıynǵy sessııasynyń ashylýynda taratylǵan Qytaı úkimetiniń baıandamasynda aıtyldy.

«Bıyl kelesi negizgi damý kórsetkishteri josparlanǵan: JІÓ ósimi shamamen 5% bolady» delingen qujatta.

Jumyssyzdyq deńgeıi 5,5% deńgeıinde saqtalady, 12 mln-nan astam jańa jumys oryndaryn qurý josparlanǵan.

Tutyný baǵasy ındeksiniń ósimi (ınflıatsııa) shamamen 3% deńgeıinde boljandy.

Astyq óndirý kólemi 650 mln tonnadan astam deńgeıde saqtalady.

Aıta keteıik, 5 naýryzda Búkilqytaılyq halyq ókilderi jınalysy jyl saıynǵy sessııasyn bastady.

Ashylý saltanaty Tıananmen alańyndaǵy halyq zalynda ótti.