Qytaıda zaýyttaǵy jarylystan qaza tapqandar sany 37 adamǵa jetti
ASTANA. KAZINFORM – Juma kúni Qytaı bıligi Hýnan provıntsııasynda pırotehnıka fabrıkasyndaǵy iri jarylystan qaza tapqandar sany týraly aqparatty jańartty. Sońǵy málimet boıynsha, qaza tapqandar sany 37 adamǵa jetti, taǵy bir adam iz-túzsiz joǵaldy, dep habarlaıdy Xinhua.
Naqtylanǵandaı, qaıǵyly oqıǵa saldarynan 51 adam jaraqat aldy.
Zardap shekkender dárigerler baqylaýynda, olardyń beseýiniń jaǵdaıy aýyr, alaıda dárigerler olarǵa barynsha kómek kórsetip jatyr.
Qazirgi kezde oqıǵa ornynda júrgizilip jatqan izdeý-qutqarý jumystary aıaqtalýǵa jaqyn.
Tergeý aıasynda polıtsııa 8 adamdy jaýap alýǵa shaqyrdy. Olardyń nemquraıdylyǵynan qaıǵyly oqıǵa oryn alǵan bolýy múmkin.
Buǵan deıin Úndistanda feıerverk fabrıkasynda bolǵan jarylystan 23 adam qaza tapqanyn jazdyq.
