Qytaıda zańsyz ken orny opyrylyp, bes adam kóz jumdy
ASTANA. KAZINFORM — Qytaıdyń ońtústik-batysyndaǵy ıÝnnan provıntsııasynda paıdaly qazbalardy zańsyz óndirý kezinde ken orny opyrylyp, bes adam qaza tapty, dep habarlaıdy Sınhýa.
Jergilikti bıliktiń málimetinshe, oqıǵa jeksenbi kúni tańǵy saǵat 04:30 shamasynda Hýeıtsze ýezine qarasty Nagý kentiniń Baıý aýylynda bolǵan.
Oqıǵa ornyna tótenshe jaǵdaılar qyzmeti, polıtsııa, órt sóndirýshiler, densaýlyq saqtaý jáne tabıǵı resýrstar salasynyń mamandary jumyldyryldy.
Qutqarýshylar úıindi astynda qalǵan alty adamdy shyǵaryp, aýrýhanaǵa jetkizgen. Alaıda zardap shekkenderdiń beseýi alǵan jaraqattarynan kóz jumdy. Bir adamnyń jaǵdaıy turaqty, ómirine qaýip tónip turǵan joq.
Qazirgi ýaqytta oqıǵanyń mán-jaıy men opyrylýdyń sebepteri anyqtalyp jatyr.
Osyǵan deıin habarlanǵandaı, Aqmola oblysyndaǵy shahtany zańsyz qazǵan eki adam qaza tapty.
