Qytaıda ustalǵan úsh amerıkalyq AQSh-qa oraldy

ASTANA.KAZINFORM - AQSh Memlekettik departamenti AQSh-tyń úsh azamaty - Mark Svıdan, Kaı Lı jáne Djon Lıýnniń bosatylǵanyn jáne úsheýi de AQSh-qa oralǵanyn habarlady, dep jazady NBC News.

62 jastaǵy K.Lı Long-Aılendten (Nıý-Iork) 2016 jyly tutqyndalyp, 2018 jyly tyńshylyq jasady degen aıyppen 10 jylǵa bas bostandyǵynan aıyrylǵan.

Jasy 40-tan asqan Tehas bıznesmeni M.Svıdan 2012 jyldan beri qamaýda otyr jáne 2019 jyly esirtkige qatysty aıypty dep tanylǵan soń shartty túrde ólim jazasyna kesildi. Birikken Ulttar Uıymynyń jumys tobynyń pikirinshe, aıyptaýlarda dáleldi negiz joq.

Gonkongta turaqty turatyn 70-ten asqan amerıkalyq Dj.Lıýn ótken jyly tyńshylyq jasaǵany úshin kináli dep tanylyp, ómir boıyna bas bostandyǵynan aıyryldy.

AQSh úkimetiniń habarlaýynsha, olardy bosatý - tutqyndardy Qytaı memlekettik qaýipsizdik departamentiniń ofıtseri Sıýı ıAntszıýn men Qytaı azamaty Djı Chaotsıýnge aıyrbastaý sharasynyń bir bóligi boldy.

S.ıAntszıýn amerıkalyq avıatsııalyq qozǵaltqysh jetkizýshisi "GE Aviation" kompanııasynan tehnologııa urlaý áreketinen keıin qamaýǵa alyndy, al Ts.Chaotsıýn Qytaı Úkimetiniń paıdasyna tyńshylyq jasady dep aıyptaldy.

Beısenbide Djo Baıden jýrnalısterge úsh amerıkalyqpen tildeskenin aıtty.