Qytaıda ushqyshsyz basqarylatyn aerotaksı alǵash ret qalaaralyq reıs jasady

ASTANA. KAZINFORM — Qytaıda alǵash ret AutoFlight ushqyshsyz basqarylatyn ushaǵy eki qala arasyna jolaýshy tasymaldap kórdi. Bul týraly 3dnews.ru saıty jazdy. 

AutoFlight kompanııasynyń ushaǵy jolaýshylardy araqashyqtyǵy 50 km bolatyn Shenchjennen Chjýhaı qalasyna nebári 20 mınýtta jetkizdi. Al, eger dál osy baǵyttaǵy sapardy avtokólikpen eńseretin bolsa 2-3 saǵat ýaqyt ketedi eken. 

Aerotaksı tórt jolaýshyny 250 km qashyqtyqqa deıin jetkizýge qaýqarly. Ushý jyldamdyǵy saǵatyna 200 km bolýy múmkin. Endi AutoFlight kompanııasy aqyly negizde qyzmet kórsetý úshin ushýǵa ruqsat alýdy josparlap otyr. Eger jospary júzege assa, jylyna Shenchjennen 300 myń reıs oryndamaqshy.