Qytaıda úsh jańa mınıstr taǵaıyndaldy
Búkilqytaılyq halyq ókilderi jınalysynyń turaqty komıteti qorǵanys, mádenıet jáne týrızm, azamattyq ister jónindegi jańa mınıstrlerdi taǵaıyndaý úshin daýys berdi. Kazinform agenttigi bul týraly Sınhýa resýrsyna silteme jasap habarlaıdy.
Agenttiktiń habarlaýynsha, 29 jeltoqsan kúni tústen keıin Beıjińdegi Halyq májilis zalynda 14-shi shaqyrylǵan Búkilqytaılyq halyq ókilderi jınalysynyń Turaqty komıtetiniń jetinshi otyrysy aıaqtaldy.
Daýys berýden keıin BHÓJ Turaqty komıteti Dýn Tszıýndi Qorǵanys mınıstri, Lý Chjııýandy Azamattyq ister mınıstri, al Sýn Elıdi Mádenıet jáne týrızm mınıstri etip taǵaıyndaý týraly sheshim qabyldady.
