Qytaıda tirkelgen ushqyshsyz ushý apparattarynyń sany 51%-ǵa artty
ASTANA. KAZINFORM — Qytaıda tirkelgen ushqyshsyz ushý apparattarynyń sany 2025 jyldyń sońyna qaraı shamamen 3,29 mıllıonǵa jetip, ótken jylmen salystyrǵanda 51 paıyzǵa artty, dep habarlaıdy Sınhýa.
Bul týraly Qytaıdyń Azamattyq avıatsııa basqarmasy (CAAC) jarııalaǵan resmı derekterde aıtylǵan.
Statıstıkaǵa sáıkes, 2025 jyly ushqyshsyz ushý apparattarynyń ushý saǵaty 45,3 mıllıonǵa deıin ósip, 2024 jylmen salystyrǵanda 69,9 paıyzǵa kóbeıgen.
Sondaı-aq Qytaıda azamattyq avıatsııa salasynyń da qarqyndy damýy baıqalady:
- 65 tasymaldaýshy áýe kompanııasy jumys isteıdi
- 4 574 azamattyq áýe kemesi tirkelgen
- 5 488 turaqty áýe baǵyty bar
- 2025 jyly jolaýshylar tasymaly 770 mıllıonnan asty
- Júk jáne poshta tasymaly 10 mıllıon tonnadan joǵary boldy.
Sonymen qatar, halyqaralyq baǵyttardaǵy jolaýshylar men júk tasymaly 20 paıyzdan astam ósken.
2025 jyldyń sońyna qaraı materıktik Qytaıda 270 áýejaı jumys istegen (bul ótken jylmen salystyrǵanda 7 áýejaıǵa kóp), olardyń 41-i jylyna 10 mıllıonnan astam jolaýshy qabyldaıtyn iri áýejaılar qataryna jatady.
Buǵan deıin Qytaı 2026 jyly aýqymdy ǵaryshtyq baǵdarlamany júzege asyratyny habarlandy.
