Qytaıda tranzıttik vızasyz júrý merzimi 10 kúnge uzartyldy

ASTANA. KAZINFORM – Qytaıdyń Ulttyq kóshi-qon basqarmasy 17 jeltoqsan kúni jańa ereje jarııalady, dep habarlaıdy Sınhýa agenttigi. 

Endi tranzıttik vızasyz kirý tártibi tolyqtaı jeńildetilip, shetel azamattarynyń Qytaı aýmaǵynda vızasyz júrý ýaqyty 72 saǵat pen 144 saǵattan 240 saǵatqa (10 kúnge) deıin uzartyldy. Sonymen qatar, tranzıttik vızasyz kirýshilerge arnalǵan 21 jańa ótkizý beketi iske qosyldy jáne ruqsat etilgen aımaqtar keńeıtildi.

Jańa tártipke sáıkes, Reseı, Brazılııa, Ulybrıtanııa, AQSh, Kanada jáne taǵy basqa 54 eldiń azamattary Qytaı arqyly úshinshi elge barar jolda 24 provıntsııa (aımaq, qala) aýmaǵyndaǵy 60 halyqaralyq ótkizý beketi arqyly vızasyz kirip, 240 saǵat boıy belgilengen aımaqtarda júre alady.

Bul ózgeristiń basty ereksheligi — shetel azamattaryna aımaqtar arasynda erkin júrip-turýǵa múmkindik berý. ıAǵnı, tranzıttik vızasyz rejım aıasynda kelgen sheteldikter Qytaıdyń 24 provıntsııasy aýmaǵynda birneshe óńirdi erkin aralaı alady.

Alaıda bul tizimge Qazaqstan kirmeıdi, sondyqtan qazaqstandyq azamattar úshin burynǵy talaptar saqtalady.

Osyǵan dein Qazaqstan men Túrikmenstan halyqaralyq marshrýttaǵy júrgizýshiler úshin vızalyq rejımdi joıǵaly otyrǵanyn jazdyq.