Qytaıda toqyma fabrıkasynda órt shyǵyp, 8 adam qaza tapty
ASTANA. KAZINFORM — Qytaıdyń ońtústigindegi Gýandýn provıntsııasynyń Foshan qalasynda jeksenbi kúni toqyma fabrıkasynda órt shyǵyp, segiz adam kóz jumyp, taǵy bir adam jaraqat aldy. Bul týraly dúısenbide jergilikti bılik habarlady, dep jazady Sınhýa.
Órt týraly aqparat qaladaǵy Shýnde aýdanyndaǵy Tszıýnan eldi mekeniniń Chansın ındýstrııalyq parkinde ornalasqan kásiporyndardyń birinen saǵat 15:12-de túsken.
Aýdandyq tótenshe jaǵdaılardy basqarý basqarmasynyń málimetinshe, órt saǵat 15:45-te baqylaýǵa alynyp, 16:10-da tolyq sóndirilgen.
Órt djıns matasyn jýý jáne basqa da óndiristik jumystar júrgiziletin eki qabatty kirpish-beton ǵımarattan shyqqan. Jalyn shamamen 200 sharshy metr aýmaqty sharpyǵan jáne basqa nysandarǵa taralmaǵan.
Barlyǵy 63 adam kásiporyn aýmaǵynan jáne oǵan jaqyn ornalasqan jerlerden qutqarylyp, evakýatsııalandy.
Іzdeý-qutqarý jumystary aıaqtaldy. Zardap shekken adam aýrýhanada em alyp jatyr. Oqıǵanyń sebepteri anyqtalyp jatyr.
Buǵan deıin ıÝnnan provıntsııasynyń ońtústik-batysyndaǵy Kýnmın qalasyndaǵy hımııalyq zaýytta bolǵan órt saldarynan 1257 adam evakýatsııalanǵanyn jazǵanbyz.
