Qytaıda temirjol jelisiniń uzyndyǵy 165 myń shaqyrymǵa jetti

ASTANA. KAZINFORM — Qytaıda XIV besjyldyq baǵdarlama kezeńinde (2021–2025 jj.) eldegi qoldanystaǵy temirjol jelisiniń jalpy uzyndyǵy 146,3 myń km-den 165 myń km-ge deıin ósti, dep habarlaıdy Sınhýa.

Qytaı memlekettik temirjol korporatsııasynyń (KMTK) derekterine sáıkes, bul 12,8%-dyq ósimdi kórsetedi.

Derekterge qaraǵanda, osy kezeńde Qytaıdaǵy joǵary jyldamdyqty temirjoldar (JJT) jelisiniń uzyndyǵy 37 900 km-den 50 400 km-ge deıin ósken, bul Qytaıǵa álemdegi eń úlken JJT jelisin qurýǵa múmkindik bergen.

Tek 2025 jyly temirjol sektoryna 901,5 mlrd ıýan (shamamen 128,3 mlrd AQSh dollary) kóleminde ınvestıtsııa jasalyp, jalpy uzyndyǵy 3 109 km jańa temirjol jelisi paıdalanýǵa berilgen, onyń ishinde 2 862 km joǵary jyldamdyqty temirjol.

Qytaı 2026–2030 jyldardy qamtıtyn XV besjyldyq baǵdarlama kezeńinde temirjol jelisin odan ári damytýǵa nıetti. KMTK málimetinshe, 2030 jylǵa qaraı eldegi barlyq temirjol jelisiniń uzyndyǵy shamamen 180 myń km, onyń ishinde shamamen 60 myń km joǵary jyldamdyqty temirjol bolýy josparlanyp otyr.

Buǵan deıin 2025 jyly Tesla elektromobılder satylymynda qytaılyq BYD-den artta qalǵanyn jazǵanbyz.