Qytaıda taıfýn saldarynan 41 myńnan astam adam evakýatsııalandy

ASTANA. KAZINFORM – Qytaıdyń ońtústigindegi Gýandýn provıntsııasynda «Tapa» taıfýny saldarynan mektepterde sabaq toqtatylyp, jappaı evakýatsııa júrgizildi, dep habarlaıdy Xinhua aqparat agenttigi.

Taıshan qalasynda 120 myń bala oqıtyn 182 mektep pen balabaqshada sabaq toqtatyldy. Tszıanmen qalasynyń qaýipti aımaqtarynan 41 myńnan astam adam evakýatsııalanǵan.

Tszıanmende tabıǵı apattyń saldaryn joıý úshin 43 erikti teńiz qutqarý jasaǵy qurylyp, 30 keme daıyndaldy. Taıshanda 3,3 myńnan astam qutqarýshy kezekshilik etip jatyr. Kórshiles ıAntszıan qalasynda turǵyndarǵa arnalǵan apattyq baspanalar ashyldy.

Meteorologtardyń málimetinshe, taıfýn Tszıanmen aımaǵyna jetkende epıtsentrge jaqyn jerde jeldiń jyldamdyǵy 30 m/s-qa jetken. Tabıǵı apat nóser jańbyr jáne daýylmen qatar júrdi.

Sınoptıkterdiń boljamynsha, «Tapa» soltústik-batysqa qaraı shamamen 20 km/saǵ jyldamdyqpen jyljyp, birtindep álsireıdi.

Eske sala ketsek, «Tapa» bıyl Qytaıdy basyp qalǵan 16-shy taıfýn boldy. Aýa raıynyń qolaısyzdyǵyna baılanysty poıyz qozǵalysy men parom qatynasy toqtatyldy.

Buǵan deıin «Tapa» taıfýny Qytaıdyń Gýandýn provıntsııasynyń jaǵalaýyna jetkenin jazǵan bolatynbyz.