Qytaıda taýdan aqqan tasqyn saldarynan on adam qaza tapty

ASTANA. KAZINFORM — Qytaıdyń Іshki Mońǵolııa avtonomııalyq aýdanynda kenetten taýdan aqqan tasqyn saldarynan qaza tapqandar sany 10-ǵa adamǵa jetti, dep habarlaıdy Sınhýa. 

Jergilikti bıliktiń habarlaýynsha, senbige qaraǵan túni Qytaıdyń soltústigindegi Іshki Mońǵolııa avtonomııalyq aımaǵyndaǵy kempıngte bolǵan kenetten taýdan aqqan tasqyn qaza tapqandar sany 10-ǵa adamǵa jetti, taǵy eki adam iz-túzsiz joǵaldy. 

Baıan-Nur qalalyq tótenshe jaǵdaılar vedomstvosynyń málimetinshe, tabıǵı apat senbi kúni keshki saǵat 22:00 shamasynda ózenniń joǵarǵy aǵysynyń Ýrad-Hoýtsı hoshýn ýchaskesinde oryn alǵan, saldarynan tabıǵatta lager qurǵan 13 týrıstpen baılanys úzildi. Málimetke sáıkes, olardyń ishinde bes otbasynyń ókilderi bar, atap aıtqanda segiz er adam jáne bes áıel.

— Jeksenbi kúni saǵat 15:30–daǵy jaǵdaı boıynsha bir adam qutqaryldy, — dep qosyp ótti vedomstvo. 

Oqıǵa ornyna jedel izdestirý-qutqarý jumystaryn júrgizý úshin 700-den astam qutqarýshy jóneltildi.

QHR Tótenshe jaǵdaılar mınıstrligi iz-túzsiz joǵalǵandardy izdestirý sharalaryn júrgizýge bar kúsh-jigerin salýǵa shaqyrdy jáne jumysqa jetekshilik etý úshin arnaıy top jiberdi. Mınıstrlik sondaı-aq saıahatshylarǵa sý tasqyny qaýpi bar kezeńde ıgerilmegen tabıǵı aýmaqtardan aýlaq júrýdi jáne geologııalyq qaýipti aımaqtarda saıahattaý kezinde saq bolýdy eskertti.

Eske sala ketsek, Qytaıdyń Ulttyq meteorologııalyq ortalyǵy jeksenbi, 17 tamyz kúni nóser jaýynǵa baılanysty «kók» deńgeıdegi eskertý merzimin uzartty.