Qytaıda taraqan men qurttar qosylǵan kofe trendke aınaldy

ASTANA. KAZINFORM — Beıjińdegi murajaı untaqtalǵan taraqandar men keptirilgen sary un qurttarynan jasalǵan kofe sýsynyn shyǵardy, dep habarlaıdy South China Morning Post. 

Bul erekshe kofe Beıjiń jándikter murajaıynyń kofehanalarynda bir shyny-aıaǵy 45 ıýannan (shamamen 3300 teńge) satylady. 

— Murajaı jándikterge arnalǵandyqtan, olarǵa qatysty sýsyndar usyný jaqsy ıdeıa bolyp kórindi. Taraqan kofesin kóbinese qyzyǵýshylyq tanytatyn jastar tutynady. Balalar men ata-analarǵa ol unamaıdy, — dep baıandady murajaı qyzmetkeri.

Ol sondaı-aq bul sýsynnyń ınternette trendke aınalǵanyn málimdedi.

Kofe iship kórgender onyń dámi aşy jáne azdap qyshqyl ekenin atap ótti.

Barlyq ıngredıent dástúrli qytaı medıtsınasynyń (DQM) shóp dúkeninen satyp alynǵan, sondyqtan murajaı qyzmetkerleri tutynýshylar sýsynnyń qaýipsizdigine senimdi bola alady deıdi.

Dástúrli qytaı medıtsınasynyń teorııalaryna sáıkes, taraqan untaǵyn qan aınalymyn jaqsartý úshin dári retinde qoldanýǵa bolady. 

Al aqýyzǵa baı sary un qurttary adamnyń ımmýndyq júıesin nyǵaıtý kómektese alady, dep sanaıdy dárigerler.

Qatarda jándikterden jasalǵan tamaqty satýǵa tyıym salynǵanyn jazǵan edik.