Qytaıda taǵy da halyqqa pyshaqpen shabýyl jasaldy, bul - bıylǵy segizinshi oqıǵa
ASTANA. KAZINFORM — 16 qarashada Qytaıdyń shyǵysyndaǵy Tszıansý provıntsııasyndaǵy ýnıversıtette kópshilikke pyshaqpen shabýyl jasalyp, kóptegen adam qaza tapty. Bul - Qytaıdaǵy bıylǵy dál osyndaı segizinshi jaǵdaı, dep jazdy CCTV aqparat kózi.
Qytaı aqparat quraldarynyń habarlaýynsha, shabýyl 16 qarashaǵa qaraǵan túni bolǵan. Shabýyl bolǵan jer Ýsı polıtehnıkalyq kásiptik-tehnıkalyq kolledji bolsa, shabýyl jasaǵan - 21 jastaǵy kolledj stýdenti.
Shabýyl jasamas buryn qanisher Sıýı ınternette maqala jarııalap, onyń ýnıversıteti belgilengen zaýytta kúnine 16 saǵat jumys isteýge májbúr etkenin jáne jumys aqysyn ala almaǵanyn jazǵan.
Qytaı polıtsııasy 16-sy kúni túnde aldyn ala tergeýden keıin kúdikti Sıýıdiń (er adam, 21 jasta, kolledjdiń 2024 jylǵy túlegi) mektepke kóńili tolmaı, qoǵamǵa qarsy kek alý nıeti bolǵandyqtan shabýyl jasaǵanyn habarlady.
Shabýyl nátıjesinde barlyǵy 8 adam qaza taýyp, 17 adam ártúrli dárejedegi jaraqat alǵan.
Qytaı polıtsııasy qylmyskerdiń ustalǵanyn jáne qylmystyq is boıynsha tergeý júrip jatqanyn habarlady.
Jýyrda Qytaıdyń Gýandýn provıntsııasynda kólikpen ádeıi halyqty soǵyp ketken shabýyl týraly habarlaǵan bolatynbyz. Bul shabýyl barlyǵy 35 adamnyń ómirin qıdy.
Bir jyl ishinde Qytaıda qarapaıym adamdarǵa qarsy osyndaı zulym shabýyldar kóp boldy:
10 maýsymda Qytaıdyń Tszılın qalasyndaǵy saıabaqta tórt AQSh azamatyna pyshaqpen shabýyl jasap, jaraqattady;
24 maýsymda Tszıansý provıntsııasynyń Sýchjoý qalasynda mektep avtobýsyn kútip turǵan japondyq anasy men balasyna shabýyl jasaldy, nátıjesinde mektep avtobýsynyń júrgizýshisi Hý ıÝpıng qaıtys boldy;
18 qyrkúıekte Shenchjendegi japon mektebiniń oqýshysy mektepke bara jatqan balaǵa belgisiz qytaılyq er adam shabýyl jasap, óltirip ketken;
30 qyrkúıekte Qytaıdyń Shanhaı qalasyndaǵy Walmart sýpermarketinde er adam tutynýshyǵa pyshaqpen shabýyl jasap, úsh adamdy óltirip, 15 adamdy jaraqattady;
8 qazanda pyshaq ustaǵan er adam Gýanchjoý qalasyndaǵy Tıanhe aýdanyndaǵy bastaýysh mekteptiń kireberisinde eki bastaýysh synyp oqýshysy men eresek áıelge shabýyl jasady;
28 qazanda Qytaı astanasy Beıjińdegi Haıdıan aýdanyndaǵy Chjýngýantsýn №3 bastaýysh mektebiniń qaqpasynyń aldynda adamdarǵa pyshaqpen shabýyl jasaldy, bes adam, onyń ishinde úsh bastaýysh synyp oqýshysy jaralandy.
